Plantun de Prouvènço

Pèr coumpara dos planto d'encò nostre

Salicornia procumbens & Tolpis umbellata

Engano(-clino)

Salicornia procumbens

Amaranthaceae Chenopodiaceae

Àutri noum : Perso-pèiro, Salicor, Sausouiro, Sansouiro.

Nom en français : Salicorne couchée.

Descripcioun :
Es uno engano de l'an e noun renadivo au contro di gènre proche Arthrocnemum e Sarcocomia. Adounc fai pas de bouissoun e s'atrobo pulèu dins li relarg sala mai dubert. Lis estamino sorton un pau e li tres flour de cade tros soun quàsi de la meme taio, aquelo dóu mitan un pau mai grando pamens (fotò e dessin). De coumpara emé Salicornia europea.

Usanço :
Lis engano soun coumestiblo e se manjon en ensalado se soun pas trop duro, e peréu esboulentado, adoubado coume de baneto. Bèn li lava que pòu i'agué de parasite dangeirous (letouspiròsi dóu ragoundin e douvo dóu fege).

Port : Erbo
Taio : A
Fueio : ges
Tipe bioulougico : Teroufite
Cicle bioulougico : Planto de l'an

Gènre : Salicornia
Famiho : Amaranthaceae
Famiho classico : Chenopodiaceae

Coulour de la flour : Verdo
Petalo : ges
Ø (o loungour) flour : 2 à 3 mm
Flourido : Estiéu - Autouno

Sòu : NaCl
Autour basso e auto : Pancaro entresigna
Aparado : Noun

Liò : Sansouiro - Mar
Estànci : Termoumediterran à Mesoumediterran
Couroulougi : TER
Ref. sc. : Salicornia procumbens Sm., 1813

Uei-de-Diéu

Tolpis umbellata

Asteraceae Compositae

Noms en français : Trépane barbue, Oeil-du-Christ.

Descripcioun :
Poulido erbo de l'an que trachis dins lis ermas safrous que fai de flour coumpausado di dos coulour, brunello au mitan e jauno sus li bord. Li bratèio dóu deforo soun proun escartado de la flour. Lou fru, akène, a 4 sedo redo. Es uno planto eisado de recounèisse e i'a pas pèr s'engana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Tolpis
Famiho : Asteraceae
Famiho classico : Compositae
Tribu : Cichorieae

Coulour de la flour : Jauno Brunello
Petalo : >6
Ø (o loungour) flour : Pancaro entresigna
Flourido : Estiéu - Autouno

Sòu : Si
Autour basso e auto : Pancaro entresigna
Aparado : Noun

Liò : Terraire safrous - Tepiero seco - Ermas
Estànci : Termoumediterran à Mesoumediterran
Couroulougi : Pancaro entresigna
Ref. sc. : Tolpis umbellata Bertol., 1803 (= Tolpis barbata (L.) Gaertn., 1791 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Salicornia procumbens & Tolpis umbellata

ges

Coumpara Engano(-clino) emé uno autro planto

Coumpara Uei-de-Diéu emé uno autro planto